Ստրուկներին ընտրության իրավունք պե՞տք է
 Որքա՞ն գումարով կարելի է գյուղ գնել: Ամբողջությամբ: Կարծում եք` թա՞նկ է: Ես կօգնեմ` 300 ընտրողից բաղկացած գյուղը գնվել է 3 000 000 դրամով:
Գյուղում մի ընտանիք կա` հայրը, մայրը, երկու որդիները, հարսները, թոռները... տանը ոչինչ չունեն, հազիվ են ծայրը ծայրին հասցնում: Սեփական հողը չեն մշակում, ասում են` թանկ է, խմում են, ամեն տարի գնում են արտագնա աշխատանքի: Հազիվ է բավականացնում, որպեսզի պարտքերը մարեն և ձգեն մինչև հաջորդ «խոպանը»: Երջանիկ էին` 6 ձայնի համար 30 000 դրամ ստանալով: Հասկանում եմ` կարիքն է ստիպում: Բայց այսօր ի՞նչ է 30 000 դրամը: Արժե՞ դրա համար ապրանք դառնալ:

Գարիկ ՔԵՌՅԱՆ, քաղաքագետ
 Այդ հարցին պատասխանելու համար պետք է շատ տեղեկացված լինել: Եթե հաշվի առնենք դիտորդների հայտնած կարծիքները, գրանցված ընտրախախտումների փաստացի արձանագրված դեպքերը, պետք է ասենք, որ ընտրությունները մեծամասամբ կայացել են ժողովրդավարական չափանիշներին համապատասխան: Բայց այն խոսակցությունները, քննադատությունները, որ ծավալվում են ընտրությունների շուրջ, մտորելու տեղիք են տալիս: Մենք նկատել ենք երևույթներ, որոնք նախորդ ընտրությունների կրկնությունն են, օրինակ` ընտրակաշառքը:

 Ռուս մեծ փիլիսոփա Ն. Բերդյաևն իր «Անհավասարության փիլիսոփայություն» աշխատությունում ազգը դիտարկում է որպես պատմական կատեգորիա: Նա միանգամայն իրավացիորեն զանազանում էր «ազգ» և «ժողովուրդ» հասկացությունները: Նրա կարծիքով ժողովուրդը ներկայացնում են այն մարդիկ, ովքեր այսօր են ապրում` ապրող սերունդների ամբողջությունը: Իսկ ազգը ոչ միայն ներկա պահին ապրող, այլև անցյալի սերունդներն են` այն ամբողջ ժառանգությունը, որ նրանք թողել են` կառուցածները, ասածները, երգածները, կերտածները, գրածները: Ազգի ամբողջ ժառանգությունը` գեղարվեստը, գրականությունը, ռազմական բոլոր հաղթանակները և պարտությունները, ամբողջ հպարտությունն ու տառապանքները նույնպես ազգի բաղկացուցիչներն են: «Ազգի կամքում ոչ միայն ողջերի, այլև մեծ անցյալի և դեռ առեղծվածային ապագայի ձայներն են: Ազգը ներառում է ոչ միայն մարդկանց սերունդները, այլև եկեղեցիների քարերը, պալատներն ու շինությունները, գերեզմանաքարերը, հին ձեռագրերը և գրքերը: Եվ ազգի կամքը որսալու համար պետք է լսել այդ քարերի ձայնը, կարդալ մոխրացած էջերը»:

 Ահաև ամեն ինչ ավարտվեց: Ոչ միայն ընտրությունները: Պատրանքները ևս վերջ ունեցան: Գուցե լավն էլ հենց դա է: Ժամանակն է, որպեսզի դաժան դասերը վերլուծենք:
 Իշխանություններն այնքան են կատարելագործել ընտրակեղծիքների մեխանիզմը, որ տեղի ունեցածն արդեն ոչ թե սովորական կեղծիք է, այլ լայնածավալ բեմադրություն` պետական ամբողջ ճնշապարատի, հեռուստատեսության, թերթերի, տեղական և արտասահմանյան սոցիոլոգիական (և ոչ միայն) ծառայությունների, միջազգային կազմակերպությունների կույր և խուլուհամր դիտորդների և զանգվածային տեսարանների համար վճարված առնվազն մեկ միլիոն կամակատար ստատիստների ներգրավմամբ:

 Մեր այն կանխատեսումը, թե անկախ ընտրությունների արդյունքներից` արտասահմանյան դիտորդները դրանք կհամարեն ժողովրդավարության ճանապարհին ևս մեկ քայլ, հաստատվեց: Արդեն 2012 թ. մայիսի 6-ի երեկոյան դիտորդներն ընտրությունները գնահատեցին որպես «թափանցիկ»: Հայաստանի իշխանությունները խոստացել էին այս ընտրություններն անցկացնել որպես ամենաարդարը, և կարծեք թե նրանց հաջողվեց ԴԻՏՈՐԴՆԵՐԻՆ դա ցույց տալ:
 Իրականում ընտրական ամբողջ գործընթացն ուղեկցվեց բացահայտ խախտումներով, ընտրակաշառքով: Փաստ է, որ անարդարության գործոնը մեծ էր, ու դա նկատելի էր բազմաթիվ ընտրատարածքներում: Այս ամենը փաստող հրապարակումներով ողողված էին լրատվական ու սոցիալական կայքերը:

 Մայիսի 6-ին կայացած խորհրդարանական ընտրությունների վերաբերյալ կայքերից, մամուլից, տարբեր կուսակցությունների և թեկնածուների նախընտրական շտաբներից մեր հավաքած ընտրախախտումների շարադրանքն անցնում է 40 էջից: Դրանց մի մասն ապացուցված չէ, գուցե կան նաև զրպարտություններ, սակայն հիմնական մասը պարունակում է հստակ տեղեկատվություն: Խնդրեմ. Գյումրու ժուռնալիստների «Ասպարեզ» ակումբի նախագահ Լևոն Բարսեղյանը հայտնել էր, որ քաղաքի 34/18 ընտրատեղամասում անձնագրերում դրված կնիքների թանաքը ցնդում է, և հանձնաժողովը որոշում է ընտրությունները դադարեցնել: Այդպես էլ անում են, սակայն ԿԸՀ-ից հանձնարարում են քվեարկությունը շարունակել: Ամենագլխավոր խախտումը, ուրեմն, հենց սա էր: ԿԸՀ նախագահն ի լուր ամենքի հայտարարեց, թե թանաքը մինչև օգտագործելը պետք է լավ թափահարել, բայց չասաց, թե ինչու հանձնաժողովի անդամներին նախօրոք չէին հրահանգել այդպես վարվել: Սա ընտրությունները վերահսկող միասնական շտաբին հիմք տվեց հայտարարելու, թե դա արվել է դիտմամբ` բազմակի քվեարկություն ապահովելու համար:

«Հյուսիս-հարավ» ավտոմայրուղին իրականություն կդառնա
 Այնպիսի տպավորություն կար, թե գրեթե մեկուկես միլիարդ դոլար արժողությամբ «Հյուսիս-հարավ» ծավալուն նախագիծը այդպես էլ մնալու է թղթի վրա: Չէ՞ որ կառավարությունը դեռ 2010 թ. հունվարի կեսերին էր հավանություն տվել Իրանի սահմանից մինչև Վրաստանի սահմանը ձգվող 556 կմ երկարությամբ տրանսպորտային միջանցքի շինարարության ներդրումային ծրագրին: Այդ ժամանակ էլ հենց Հայաստանի ու Զարգացման ասիական բանկի (ԶԱԲ) միջև ստորագրվել էր նաև 500 միլիոն դոլար ընդհանուր արժողությամբ նախնական ֆինանսական համաձայնագիր: Բայց չնայած դրամական միջոցների առկայությանը` ավտոմայրուղիների շինարարության և վերակառուցման համար կապալառու ընկերության հայտամրցույթներն անընդհատ ձախողվում էին, հիմնականում այն պատճառով, որ մասնակիցները չէին համապատասխանում ԶԱԲ-ի ներկայացրած խիստ պահանջներին:

 Նախընտրական քարոզչության ընթացքում մեր գրեթե բոլոր կուսակցություններն ինչ-որ կերպ իրենց դիրքորոշումն էին հայտնում երկրի ամենաարդիական խնդիրներից մեկի` բնակչության` դեպի հեռու և մոտ արտասահմաններ արտահոսքի մասին: Նրանցից յուրաքանչյուրը մի ելք էր առաջարկում` խոստանալով արդյունավետ լուծում գտնել: Ընդ որում վարչապետ Տիգրան Սարգսյանը չհերքելով որ արտագաղթը Հայաստանի լրջագույն խնդիրներից մեկն է` վտանգավոր անվանեց արտագաղթային գործընթացներին վերաբերող թեմաների շուրջ քաղաքական շահարկումները:

 ՄՄեկ տարի առաջ Երևանի քաղաքապետարանի իրավասության տակ գտնվող «Սուրբ Աստվածամայր» բժշկական կենտրոնում տեղի ունեցած անհեթեթ միջադեպի արձագանքները մինչ օրս չեն լռում, և մարդիկ փորձում են գտնել իրական մեղավորներին, չնայած որպես քավության նոխազ` դատարանի առաջ են կանգնել այն բժիշկներն ու բուժաշխատողները, ովքեր անմիջական առնչություն են ունեցել միջադեպին: Հիշեցնենք, որ 2011 թ. մայիսի 3-ին «Սուրբ Աստվածամայր» բժշկական կենտրոնում բժիշկները 2004 թ. ծնված էջմիածինցի Գևորգ Մովսիսյանի փոխարեն վիրահատական սեղանին պառկեցրել էին 2008-ին նշյալ կենտրոնում թոքերի վիրահատության ենթարկված և այդ օրը հիվանդանոցում պլանային ստուգում անցնող 5-ամյա Նարեկ Դարբինյանին: Դժվար է ասել` դեպքը տեղի է ունեցել բուժանձնակազմի անփութության պատճառո՞վ, թե հիվանդանոցում տիրող ամենաթողության:

 «Առաքելություն Հայաստան» կազմակերպության Շենգավիթ համայնքում գործող բարեգործական ճաշարանը հասարակության ամենաանապահով խավի` տարեցների ու հաշմանդամների հանդիպման վայր է դարձել: Ամեն օր ժամը 12-ին այստեղ են շտապում բազմաթիվ մարդիկ. կառավարության հատկացրած չնչին թոշակն ու նպաստը չեն բավարարում լիարժեք սնվելու համար:
 Ճաշարանների այցելուներից յուրաքանչյուրը ժամանակին իր աշխատանքն ու երազանքն է ունեցել, բայց ճակատագիրն այնպես է «կամեցել», որ այսօր նրանք այստեղ են հայտնվել:

Հպարտության արդար պատճառ
 Այն հոռետեսներից չեմ, ովքեր բղավում են, թե Երևանը գրքի համաշխարհային մայրաքաղաք հռչակելը փուչ իրադարձություն է ու իրականության հետ ոչ մի աղերս չունի: Ընդհակառակը` համոզված եմ, որ մենք միանգամայն արժանի ենք մեկ անգամ ևս աշխարհի ուշադրության կետրոնում հայտնվելու պատվին ու հենց` գրքի շնորհիվ:

 «100 համերգ` Հայոց ցեղասպանության նահատակների հիշատակին» համերգաշարի առաջին ակորդն արդեն հնչել է, այն շարունակվում է Երևանում, Հայաստանի տարբեր քաղաքներում ու Արցախում: Համերգաշարին մասնակցում են նաև արտասահմանում ապրող և ստեղծագործող բազմաթիվ հայ արվեստագետներ, որոնցից մեկն էլ միջազգային մի քանի մրցույթների հաղթող, երգչուհի և դաշնակահարուհի Ջուլիետ ԳԱԼՍՏՅԱՆՆ է:

Վասպուրականի գործողությունը. գաղտնի խորհրդաժողով` Լիմ անապատում

Սկիզբը` թիվ 3, 4, 5, 8, 2012 թ.                  
 Մխիթար աբեղայի հիշատակարանը հնարավորություն է ընձեռում գրանցելու Արևելյան Հայաստանում ապստամբության ճիշտ նախօրեին հայկական հետախուզության իրականացրած ևս մեկ խոշոր գործողություն:

Վտանգավոր կոսմետիկան տխուր իրողություն է, որի հետ պետք է համակերպվենք կամ էլ փորձենք խուսափել
Եղունգների լաք
 Ժամանակակից արտադրության լաքերի մեծ մասը պարունակում է քիմիական վտանգավոր նյութեր, այդ թվում` դիբուտիլֆտալատ, տոլուոլ և ֆորմալդեհիդներ, որոնց մեծ չափաբաժինները առողջական խնդիրներ են առաջացնում` ընդհուպ մինչև քաղցկեղ և նորածինների բնածին արատներ:
Թունավոր քիմիկատները եղունգից կարող են ներթափանցել արյան մեջ: Չնայած եղունգների լաքերում պարունակվող ֆորմալդեհիդները բավարար չեն մարդու առողջության վրա ազդելու առումով, բայցևայնպես այդ քիմիական նյութերը վնասակար են հղի կանանց և փոքր երեխաների համար, որոնց խորհուրդ չի տրվում եղունգի լաք գործածել:
Շրթներկ

1. Սոդիում Լաուրետ Սուլֆատը (SLS-Sodium Laureth Sulfate) նավթի վերամշակումից առաջացող էժանագին և վնասակար մթերք է, որը մաքրող և փրփրեցնող հատկությունների շնորհիվ օգտագործվում է փրփրօճառներում և այլ լվացող միջոցներում: Մազերը լվանալիս այս նյութը թափանցում է մաշկի խորքը և հայտնվում արյան մեջ` առաջացնելով աչքերի գրգռվածություն, գլխի մաշկի թեփոտում, ալերգիկ ռեակցիաներ: Կանանց համար նյութի ազդեցությունը վնասակար է նրանով, որ նրանք սկսում են ավելի արագ ծերանալ:
2. Ֆորմալդեհիդ, որն ընդգրկված է քաղցկեղածին նյութերի ցանկում, լայնորեն կիրառվում է կոսմետիկայում` որպես հավելանյութ: Թունավոր է, բացասական ազդեցություն է թողնում գենետիկայի, շնչառական օրգանների, տեսողության և մաշկի ծածկույթի վրա: Բացասաբար է անդրադառնում նաև նյարդային համակարգի վրա:

 Ինչո՞ւ են կանայք տղամարդկանցից հաճախ տառապում երակների լայնացումով: Ովքե՞ր են ամենախոցելի խմբում: Երակների լայնացման կանխարգելման և բուժման ի՞նչ ժամանակակից մեթոդներ կան:
 Երակների լայնացումը հիվանդություն է, որն արտահայտվում է ենթամաշկային երակների լայնացումով, արյան շրջանառության խանգարումով, ստորին վերջույթներում արյան կանգով:
 Ո՞րն է այս երևույթների պատճառը: Բժիշկներից շատերի կարծիքով երակների լայնացումը երկու ոտքով քայլելու հնարավորության վճարն է: Երբ մարդը հորիզոնական դիրքում է` արյունը երակներով հեշտությամբ է շրջանառվում, իսկ երբ կանգնած է` ստորին վերջույթներից արյան հակառակ հոսքը դժվարանում է: Արյան շրջանառության գործում կարևոր դեր է կատարում մկանների ու փականների աշխատանքը` մկանների կրճատման պահին խորքային երակներում արյան ճնշումն իջնում է մինչև զրո, վերին երակային փականը բացվում է, իսկ ներքևինը` փակվում:
 Այսպիսով` ճնշումների տարբերության պատճառով արյունը հետ է հոսում դեպի սիրտ: Երակային փականների վնասման դեպքում արյան շարժի համար առաջանում են խոչընդոտներ, նվազում է նաև երակային պատերի առաձգականությունը, ինչի հետևանքով էլ առաջանում են այտուցներ, պիգմենտացիայի խանգարումներ, քոր և երակային հիվանդության այլ նշաններ:

Մաս 1. Դե Տուկոմստ
 Ֆուտբոլը` համաշխարհային թիվ մեկ խաղը, ֆինանսական առումով աստիճանաբար ավելի ու ավելի մեծ նշանակություն է ստանում և ավելի մեծ թվով միլիարդատերերի ժողովում իր հովանու ներքո: Նրանք ակումբներ են գնում, հայտնի աստղերի և խաղերի ժամանակ նստելով VIP-օթյակում` իրենց ազատ րոպեները վայելում մի բաժակ վիսկիով կամ կոնյակով:
 Այդ հաջողակ մեծահարուստները պատկանում են երկու կարգի. ովքեր հենց սկզբից արդյունք են ակնկալում` գնելով նորանոր «ռոնալդուներ» և «տորեսներ», և նրանք, ովքեր նայում են դեպի ապագան` իրենց եկամտի որոշ մասն ակնկալելով «վաղվա» ֆուտբոլից:

 На днях спортивный комментатор французской радиостанции RTL, 65-летний Пьер Сальвьяк был уволен с работы за шутку, отпущенную в адрес Валери Триервейлер - подруги избранного президента Франции Франсуа Олланда.
 «Обращаюсь ко всем своим коллегам-женщинам - занимайтесь сексом с пользой. Вдруг вам выпадет шанс стать первой леди Франции»,-  съязвил спортивный комментатор Сальвьяк в своем Twitter. Триервейлер, как известно, работает журналистом.
 В свою очередь, глава радиостанции RTL назвал запись Сальвьяка абсолютно недопустимой. Несмотря на то, что тот позже удалил скандальную запись и принес извинения, сохранить работу ему не удалось.

 Ավարտվեց «Շանթ» հեռուստատեսության «Հայսուպերսթար» նախագծի հինգերորդ եթերաշրջանը: Ճիշտ է` հինգերորդ հոբելյանականը նախորդի ցնցումը չառաջացրեց, սակայն հայ երաժշտարվեստի երկնակամարը շնորհալի երգիչներով համալրելու առումով պակաս բեղմնավոր չէր: Այս անգամ նախագծի հաղթող դարձավ 19-ամյա Սոնա ՌՈՒԲԵՆՅԱՆԸ` փոքրամարմին, բայց հզոր ձայնով երևանցի ուսանողուհին: Նա հաղթանակի համար դեռ նվերները կստանա` մեկ ձայներիզ` իր կատարումով, մեկ տեսահոլովակ և մեկ միլիոն դրամ: Բայց սկսնակ երգչուհու ամենամեծ պարգևը թերևս արվեստի ասպարեզում ճանապարհ հարթելու բացառիկ հնարավորությունն է: Այսօր Սոնան մեր զրուցակիցն է:

 Օրեր առաջ հաղորդավարուհի Լուսինե Բադալյանի` Ֆեյսբուք սոցիալական ցանցի իր էջում կատարած գրառումը մեծ իրարանցում, անգամ սենսացիա էր առաջացրել: Հիշեցնենք, որ հաղորդավարուհին իր «Բաց նամակ պետությանը» գրառման մեջ նշել է. «Տո, այ պետություն, դու ի՞նչ ես արել ինձ համար, որ ես էլ քեզ համար ձրի աշխատեմ... Նույն բանն անեմ այլ պետությունում` մեծամեծ նվաճումներ կունենամ... Կարծում ես` էդքան չկա՞մ... Որոշեցի` հատուկ կգնամ, կանեմ, որ հետո տեսնես, որ ոչ թե դու ես ինձ պահում, այլ` ես քեզ....»:
 Մամուլին տված հարցազրույցում Լուսինե Բադալյանը խոստովանել էր, որ աշխատում է օրնիբուն, նորմալ վաստակում է, բայց այդ վաստակածը չի հասցնում վայելել կամ նույնիսկ առօրյա ծախսերը հոգալ. «Որովհետև ես դեռ մի բան էլ դնում եմ դրա վրա, որ իմ վարկերը փակեմ, որ կոմունալ վարձեր փակեմ և ի վերջո հասկանում եմ, որ երեք-չորս տեղի աշխատանքը ինձ չի բավականացնում»:
 Քանի որ մեր երկրում շոու բիզնեսով հնարավոր չէ հարստանալ, մենք փորձեցինք պարզաբանել` շոու բիզնեսի աստղերն ունե՞ն կողմնակի եկամուտ: